Logo
sitemap
sitemap
sitemap

الظروف المالية

أوقف احد البنوك بطاقات الصراف اثناء اجازة الاسبوع ولم يكن لدي في حساب البنك الامريكي شي وكنت استغني باستخدام بطاقات البنك السعودي ومع ايقافها لم اجد شيئا في احدى الليالي فأرسلت القصيدة لأخي الدكتور عايض بن مشيط



يا عايض  البارحه والنفس مشتانه
                             ضاقت علي الوسيعه وانبلش حالي
أمست عيون البشر والعين سهرانه
                           ما حدها يالعضيد الا أشهب اللالي
عزي لعين(ن) بدمع الشوق غرقانه
                              ترجي وطنها ولكنّ المدى طالي
خمسة عشر شهر والاشواق ولهانه
                               ماغير أعد الليالي عد لموالي
والقلب ياعزوتي شفق ن لشيبانه
                               اللي عليهم دموع العين همالي
ومن سو فرقا الفواد لدار خلانه
                                أركى عليه الزمان بقلة المالي
اجيوبنا عقب زود المال طفرانه
                           والوقت عوّد صعيب وحدنا الصالي
عزي لمن هو غريبن فاقد اوطانه
                            حده زمانه بدار(ن) مابها اموالي
وأمست ذراريه عقب العز طويانه
                            ونار الغبينه بقلبه تشعل اشعالي
سبة رجال ن بسلم الحق غلطانه
                         تجهل حقوق البشر ما خافت الوالي

واللي جملنا معه ما فك بيبانه
                             اتضيق به دنيته لاشاف جوالي
من قبل لازمه كنت أغلى من اخوانه
                         ويوم(ن) قضى لازمه ما عاد به غالي
صداقة المصلحه بالحيل خوانه
                             صداقة(ن)  عذبت لول مع التالي
وماكل رجل ن تشوفه حده وشانه
                             حتى ولو جر بشت وميل عقالي
كم واحد ن تحسبه من منطق لسانه
                             والفعل فعل الثعل والشكل رجالي
وان جيت باخذ من لجواد لو عانه
                                  عيت لحانا تنخ بكل لحوالي
وانا عزيز(ن) بفضل الله واحسانه
                      موتي ولا اذل نفسي عندي اشوى لي
باعز نفسي ورزقي منه سبحانه
                      رازق وحوش الفلا وسط الخلا الخالي
هذي مشاعر غريب(ن) فاقد اوطانه
                        لا ضاق صدره يجر الصوت موالي

د. مبارك بن مشيط
امريكا

go up
جميع الحقوق محفوظة، انطلق للبعثة 2016 - 2018 ©