Logo
sitemap
sitemap
sitemap

مقارنة بين روضة الخفس وخريم وبين مونتانا

أظهرت صحيفة سبق الالكترونية صور جميلة لروضة الخفس وخريم وكان الجو في مونتانا عشرات الدرجات تحت الصفر

ياللي كشتوا روضة الخفس وخريم
روفوا بقلب(ن) مغترب عن مرابيه
روفوا بقلب(ن) يشتكي البعد والضيم
وزادت صور سبق الصحيفه بلاويه
البر  زان  وجوكم  جو  تخييم   
واحنا بجو(ن) مشقي اللي مصاليه
برد(ن)  يحطم قاسي العظم تحطيم
وانتوا بجو(ن)  كل ما فيه  نرجيه
شفت الفياض وشفت ذود المجاهيم
ترتع بعشب(ن) جل من هو مسويه
ريح النفل لا فاح  مع  ديمة  الغيم
يبري عمس قلب(ن)  شكى فقد غاليه
وضو(ن) سناها فوق رووس المعازيم
نفسي لها تشتاق و تقول  لبيه
لبيه يادار بها  أموت  واهيم
دار الوفا والطيب ما نيب ناسيه
وجدي عليها وجد من تاه  ويهيم
في قفرة (ن)  والمزوده  ما تكفيه
وشاف السراب وكب ما حاز ليديم
ويوم(ن) لفاه  يون  ما عاد  يغنيه
تهناكم الكشتات والروض والديم
وعسى نجيها والمراويح تسقيه

د. مبارك بن مشيط
١٤٣٥/٤/٢
مونتانا - امريكا

go up
جميع الحقوق محفوظة، انطلق للبعثة 2016 - 2018 ©